காணி உரிமையைப் பாதுகாத்துக் கொள்வதற்கான மக்கள் போராட்டம் - வழிகாட்டுதல்களுடனான பயிற்சிக் கையேடு

காணி உரிமைக்கான மக்கள் இயக்கம் 2010 ஆம் ஆண்டு ஆரம்பிக்கப்பட்டது. தற்போது இது யுத்தம், பலாத்காரமாக திணிக்கப்படும் அபிவிருத்திக் கருத்திட்டங்கள், மக்களின் தனித்துவ அடையாளத்தின் அடிப்படையில் பாரபட்சம் காட்டும் காணிக் கொள்கைகள், சட்டங்கள், விதிகள் மற்றும் நிருவாக முறையியல்கள், வரலாற்று ரீதியான அநீதி காரணமாக தமது காணிகள் மற்றும் இயற்கை வளங்களின் மீதான உரிமைகள் மற்றும் பிரவேசத்தை இழந்துள்ள மக்களின் காணி உரிமைக்கான போராட்டங்களுக்குரிய பொது மேடையாக மாறியுள்ளது.

கடந்த 11 வருட காலப்பகுதியில் நாம் பல விடயங்களை கற்றுக் கொண்டுள்ளோம். பெரும்பாலான தோல்விகளும், ஒரு சில வெற்றிகளும் எமக்கு வழிகாட்டியுள்ளன. வெற்றிகரமான போராட்டமொன்றின் முக்கிய அடிப்படையானது தமது காணியின் உரிமைக்காக போராட ஆயத்தமாகியுள்ள மக்களின் திடசங்கற்பம் மற்றும் பலமாகும் என்பது கடந்த 11 வருட காலப்பகுதியில் நாம் கற்றுக் கொண்ட முக்கிய பாடமாகும். வடக்கிலும், கிழக்கிலும், தோட்டத்துறையிலும், தெற்கிலும் பெண்கள் மற்றும் ஆண்கள் தமது உயிரையும் பணயம் வைத்து தமது காணி உரித்துக்காக போராடும் முறையை நாம் கண்டோம். சிங்கள, தமிழ், முஸ்லிம் அல்லது வேற எந்தவொரு இனமாக இருந்த போதிலும், அவர்கள் தமது போராட்டத்தில் ஒரு பொதுவான இடத்தை நோக்கிப் பயணிப்பதை நாம் அவதானித்தோம். அவர்கள் அனைவருக்கும் காணி என்பது அவர்களின் உயிருக்கு இணையானதாக இருந்தது. இது அவர்களின் கௌரவமான நிலைத்திருத்தலுக்கு அடிப்படையாக அமைந்தது. எனவே அவர்களின் காணிக்கான போராட்டமானது தமது வாழும் உரிமைக்கான போராட்டமாக இருந்தது.

இந்தப் பயிற்சிக் கையேடு வடிவமைக்கப்படுவது தமது உரிமைக்காக போராடும் இந்தப் பெண்கள் மற்றும் ஆண்களின் போராட்டத்துக்கு சிறிதளவேனும் பலம் சேர்க்கும் நோக்கத்துடனாகும். அவர்களின் போராட்டத்தினூடாக நாம் கற்றுக் கொண்ட பாடங்கள் இதில் உள்ளடக்கப்பட்டுள்ளன. குறிப்பாக இன, மத, பால்நிலை போன்ற சகல பேதங்களும் இன்றி எம்மை கொடுமைப்படுத்தும் மேலாதிக்க திட்டங்கள் தொடர்பில் புரிந்துகொள்வதற்கும், மேற்படி திட்டங்களை தோல்வியுறச் செய்வதற்கும் ஒன்றிணைந்து செயற்படுவதற்குத் தேவையான தொழில்நுட்ப, கோட்பாடுசார் மற்றும் நடைமுறைசார் ஆற்றல்கள் தொடர்பில் இக்கையேடு ஆராய்கின்றது.

காணி உரிமை என்பதை சரியாக புரிந்துகொள்வதற்கும், அந்த உரிமை எமக்குக் கிடைத்துள்ள முறையையும், அந்த உரிமையை இழக்கச் செய்வதும், மீண்டும் அவ் உரிமையை பெற்றுக் கொள்வதற்கு போராட வேண்டிய முறையையும் இதன் மூலம் உணர்த்துவதற்கு நாம் முயற்சி மேற்கொண்டுள்ளோம். இந்த முயற்சியின் வெற்றியும், தோலவியும் தீர்மானிக்கப்படுது எதிர்கால காணிப் போராட்டங்களின் வெற்றி மற்றும் தோல்வியின் அடிப்படையிலாகும்.

இது எவ்வகையிலும் பூரணமானதொரு ஆவணம் அல்ல. இது நாளாந்தம் மக்களின் போராட்ட அனுபவங்களின் மூலம் மென்மேலும் வலுவூட்டப்பட வேண்டிய அடிப்படையான கருத்துக்களின் தொகுப்பொன்றாகும். இதில் உள்ளடங்கும் தகவல்களை உங்களுக்குத் தேவையானவாறு பிரித்தெடுத்து பயன்படுத்திக் கொள்ளும், மேம்படுத்திக் கொள்ளும் உரிமை உங்களுக்கு உண்டு.

தயாரிப்பு :

பிரான்சிஸ் பிரியங்கர கொஸ்தா

(தேசிய மீனவ ஒத்துழைப்பு இயக்கம்)

சஜீவ சாமிகர

(காணி மற்றும் விவசாய மறுசீரமைப்பு இயக்கம்)

கார்டூன் ஓவியங்கள் :

சங்கீத் மதுராவல

 முழு வழிகாட்டுதல்களுடனான பயிற்சிக் கையேடு 'Download Article' என்பதைக் கிளிக் செய்வதன் மூலம் PDF நகலாகப் பதிவிறக்கம் செய்யலாம்.

Download Article