අපි කියන පමණින් පිළිගන්නා එපා. අපි සතුව සින්නක්කර ඔප්පු තිබෙනවා. ඒවාට සාක්ෂි තිබෙනවා. මේ වාර්තා සියල්ල දකුණේ ජනතාවට රැගෙන ගොස් පෙන්නන්න.
Published
යාපනය තායියිඩි හි ප්රෙදේශවාසීන් වසර ගණනාවක් තිස්සේ ඔවුන්ගේ නිජබිම නැවත ලබා ගැනීම සඳහා නිමක් නැති අරගලයක යෙදී සිටින අතර සුකුමාරි ඔවුන්ගෙන් කෙනෙකි. අපි ඉඩම් අයිතිය සඳහා වන ජනතා සන්ධානය ලෙස පසුගිය දෙසැම්බර් මාසයේදී ඇය හමුවූ විට ඇයට අපෙන් අවශ්ය වූයේ එක් දෙයක් පමණි, එයනම්, දකුණට ඇගේ කතාව සන්නිවේදනය කිරීම සඳහා මැදිහත් වීම පමණි. එවිට ඔවුන් ඔවුන්ගේ අරගලය මුළු හදින්ම තේරුම් ගනු ඇතැයි ඇයගේ විශ්වාසයයි.
මේ සුකුමාරි සාරුජාන් අපට පැවසූ කතාවයි.
ආයුබෝවන්! මම සුකුමාරි සාරුජාන්. මගේ උපන්ගම යාපනයේ තයිඩ්ඩි. අපගේ ප්රදේශයේ මහා අසාධාරණයක් සිදු වෙමින් තියෙනවා. රජය සහ රජයේ හමුදාව විසින් මේ අරාජිත ක්රියාවන් සිද්ධ වෙනවා.
1925 සිට දෙමළ ජනතාවට අයත් වන සහ ඔවුන්ගේ නිජබිම වන, තමන්ගේ සින්නක්කර ඔප්පු සහිත පෞද්ගලික ඉඩම්, 1990 හි සිදු වූ ජනවාර්ගික ගැටලු පවතින කාලයේදී ජනතාව අවතැන් වූ විට හමුදාව විසින් අධි ආරක්ෂක කලාප ලෙස නම් කරමින් අත්තනෝමතික ලෙස අත්පත් කරනු ලැබුවා. 2015 නැවතත් පදිංචි කිරීම, (එසේ කියන්නත් බැහැ.) අපගේ ඉඩම් කොටස් වශයෙන් නිදහස් කළ නමුත්, ආසන්න වශයෙන් අක්කර දහයකින් යුතු ඉඩම් කොටසක් හමුදාකරණයට ලක් කර, මෙත්තා ,මුදිතා, කරුණා, උපේක්ෂාව හරයන් ලෙස දේශනා කොට වදාළ බුදුන් වහන්සේගේ බුද්ධ දර්ශනයේ නාමයෙන් මහා විහාරයක් නීති විරෝධී ලෙස ඉදි කර පූජාවන් සිදු වෙමින් පවතිනවා. මේ ක්රියාවලියට එරෙහිව යුක්තිය ඉල්ලා විවිධ බලපෑම් ක්රියාවන් වල නිරත වූව ද, අපිට තවම යුක්තිය ඉටු වුණේ නෑ. අපගේ ඉඩම් නිදහස් කළහොත් දකුණේ සිංහල ජනතාව මෙයට විරුද්ධ වී නැවත ආරවුලක් ඇති වනු ඇතැයි යනුවෙන්, පාලකයන් අපට හේතු දක්වා සිටිනවා. අපිට අයිති සින්නක්කර ඉඩම් නිදහස් කරන විට දකුණේ ජනතාව ඇයි කලබල විය යුතු වන්නේ ඇයිද කියා අපට වැටහෙන්නේ නැහැ. සමහර අය මේ පිළිබඳව නිසි අවබෝදයක් නැතිව කථා කරනවා. දකුණේත් හින්දු කෝවිල් තිබෙනවා කියා කියනවා. හින්දු කෝවිල් කොහේ තිබුනත් එම කෝවිල් ඉදි කර ඇත්තේ කාගෙවත් පෞද්ගලික ඉඩම් බලහත්කාරයෙන් අත්පත් කරගනිමින් නොවේ.
ඒවගේම, උතුරේ නාගදීප විහාරය යුද්ධය පවතින කාලයේදීත් හානියකට පත් නොකොර ආරක්ෂා කොට තිබෙනවා. එමෙන්ම යාපනයේ නාග විහාරයට පැමිණෙන බැතිමතුන්ට කිසිඳු බාධාවක් සිදුවන්නේ නැහැ. අපිත් එම විහාරය වැඳ පුදා ගන්නවා. එනමුත් තයිඩ්ඩි ප්රදේශයේ පවතින විහාරය නීති විරෝධ ලෙස කිසිඳු හෝ අවසරයකින් තොරව ජනතාව මුලා කරමින් ඉදිකර ඇති සිද්ධස්ථානයක්. එම නිසා ඉඩම් අයිතිය සඳහා වන ජනතා සන්ධානය හරහා දකුණේ ජනතාවගෙන් ඉල්ලා සිටින්නේ, අපි කියන පමණින් ඔබ පිළිගන්නා එපා.
- අපි සතුව සින්නක්කර ඔප්පු තිබෙනවා. ඒවාට සාක්ෂි තිබෙනවා.
- ප්රාදේශීය ලේකම්වරයා විසින් පාර්ලිමේන්තුවට යොමු කරන ලද වාර්තාව අපි සතුව තිබෙනවා.
- මෙම විහාරය නීති විරෝධී ලෙස ඉදි වූ බවට ප්රාදේශීය ලේකම්වරයා විසින් සකස් කරන ලද වාර්තාවක් අපි සතුව තිබෙනවා.
මේ වාර්තා සියල්ල දකුණේ ජනතාවට රැගෙන ගොස් පෙන්නන්න. අවබෝධ කර දෙන්න. ඔවුනුත් අපේ සටනට එකතු වෙන එක තමයි අපේ අභිලාෂය. ඔබ මේක බෞද්ධ සිද්ධස්ථානයක් ලෙස බලන්නට එපා. මේක නීති විරෝධී ගොඩනැගිල්ලක් ලෙස බලන්න. එම නීති විරෝධී ගොඩනැගිල්ල විනාශ කරන ලෙස අපි ඉල්ලා සිටින්නේ නැහැ. අපි යුද්ධයේ පීඩාවට සහ සිත්තැවුලට පත්වූ ජනතාව. එම නිසා තවත් යුද්ධයකට අපි කැමති නැහැ. එනමුත් අපගේ මූලික අයිතිවාසිකම් උල්ලංඝනය වන විට අපි එයට එරෙහිව හඬ නගනවා. අපි එම ගොඩනැගිල්ල විනාශ කරන්න කියන්නේ නැහැ. පන්සලට අයිති සින්නක්කර ඉඩමක් තිබෙන නිසා විහාරය එම ඉඩමේ ඉදි නොකොට අපට අයිති සින්නක්කර ඉඩම්වල ඉදි කරන්නේ ඇයි කියන ප්රශ්නයයි අපට තියෙන්නේ. විහාරස්ථානයට අයත් ඉඩමට පමණක් සීමාවූ ප්රදේශයේ පන්සල ඉදිකරන ලෙසත් ගොඩනැගිල්ල ඉදිකර තිබෙන ඉඩම වෙනුවට විකල්ප ඉඩමක් අපිට ලබා දෙමින්, ආසන්න වශයෙන් පර්චස් 1500 ක ඉඩමේ පර්චස් 200 ක් පන්සලට ගෙන ඉතිරි පර්චස් 1300 ක ඉඩම ජනතාවගේ පරිහරණයට නිදහස් කරන ලෙස ඉල්ලා සිටිනවා.
1990 ට පෙර යාපනය දිස්ත්රික්කය ස්වයංපෝෂිත ප්රදේශයක් ලෙස පැවතුනා. එම ජනතාවට කෘෂි කර්මාන්තයේ නිරත වෙමින් එම ප්රදේශය නැවත ස්වයංපෝෂිත ප්රදේශයක් ලෙස පත්වෙන්නට අවශ්යයි. එම නිසා දකුණේ ජනතාව අපගේ සිතුම් පැතුම් තේරුම් ගන්නට අවශ්යයි. කරුණාකර තේරුම් ගන්න. අපි සිංහල ජනතාවට හෝ බෞද්ධ දර්ශනයට එරෙහි අය නොවේ. සිංහල මහජනතාව ඉතා හොඳයි. පාලකයන් තමන්ගේ මතයන් ඔවුන් මත වපුරමින් ඔවුන්ව වෙනස් කරනවා. වත්මන් නව රජයෙන් අපි ඉල්ලා සිටින්නේ, පසුගිය රජයන් ජාතිවාද රජයන් බවට අවධාරණය කරමින්, ඔබ රාජ්ය පාලනයට පත්ව තිබෙනවා. ඔබගේ මැතිවරණ ව්යාපාරය තුළ ප්රධාන වශයෙන් ජාතියක් පදනම් කරමින් ජනඝණත්වය ව්යාප්ත කිරීම වළක්වන ලෙස පොරොන්දු වෙලා තියෙනවා.
මැතිවරණ ප්රකාශනය තුළ සඳහන් කළ දේවල් ඔබ දැන් ක්රියාත්මක කළ යුතුයි. ඔබ කෙරෙහි විශ්වාසය තබා තුනෙන් දෙකක බහුතර බලය ජනතාව ලබා දී තිබෙනවා. සිංහල ජනතාව ඔබගේ ප්රතිපතිවලට අනුකූල බවට සියයට සීයක් සනාථ වෙනවා. රටේ සමස්ත ජනතාවගේ ජනවරම ලැබුණේ එයටයි. එම නිසා අපගේ සාධාරණ ඉල්ලීම් සිංහල ජනතාවට පහදා දී, අපගේ ඉඩම් නිදහස් කරන්නට ඉදිරිපත් විය යුතුයි. එයට ඉඩම් අයිතිය සඳහා වන ජනතා සන්ධානය උර දෙනවා. ඔවුන්ටත් අපගේ ස්තුතිය පුදකර සිටිනවා.